"Juldyzdy aspan-2010" avtorlyq ánder festıvali ótedi
ALMATY. Qyrkúıektiń 3-i. QazAqparat /Erlik Erjanuly/ - Búgin Almaty oblysy Talǵar aýdanyndaǵy "Maral-Saı" demalys úıinde "Juldyzdy aspan-2010" avtorlyq ánder festıvali bastalady, dep habarlaıdy QazAqparat.
Qyrkúıektiń 5-ine deıin sozylatyn bul sharany "Trı akkorda" shyǵarmashylyq birlestigi (Qazaqstan), "Archa"klýby (Ózbekstan), Aýǵan soǵysy ardagerleri odaǵy jáne Almaty qalasy ákimdigi janyndaǵy Aýǵanstan soǵysy men basqa da jergilikti daý-janjaldar ardagerleriniń úılestirý keńesi birigip uıymdastyryp otyr. Oǵan Qazaqstan, Qyrǵyzstan, Ózbekstan jáne Reseıden qonaqtar qatyspaq. Festıval aıasynda "Áskerı-patrıottyq", "Kúz týraly", "Balalar ánderi", "Aqyn", "Mánerlep oqýshy" sııaqty toǵyz atalym boıynsha baıqaý bolady. Oǵan kez-kelgen jastaǵy tek óziniń avtorlyq shyǵarmalaryn oryndaýshylar ǵana emes, súıikti bard ánshileriniń ánderin aıtýshylar, aqyndar jáne óleń oqýshylar qatysa alady. Festıvaldiń basty maqsaty - elimizdiń ǵana emes kórshiles ózge elderdiń de bard-klýbtary men shyǵarmashylyq birlestikteriniń jáne barlyq avtorlyq ánder unatatyn qaýymnyń kezdesýin uıymdastyrý.
