Juldyzdar matchy-2018 jarysyn Astanada ótkizgen durys - QHL saıtynyń oqyrmandary
ASTANA. QazAqparat - Qurlyqaralyq hokkeı lıgasynyń resmı saıtynda «Qaı qala Juldyzdar matchy-2018-di qabyldaýy tıis» degen saýalǵa daýys berý júrgizilýde. Ázirshe saýalnama barysynda Astana kósh bastap keledi, dep habarlaıdy QazAqparat.
Ýfadaǵy QHL-diń Juldyzdar matchy aldynda oıynshylardy tanystyrýǵa arnalǵan saltanatty shara ótti. Tanystyrylǵan oıynshylar qatarynda Dmıtrıı Chernyshenko, Rene Fazel, Alekseı Morozov, sonymen qatar lıganyń resmı seriktesteriniń ókilderi bar.
«Jınalǵandarǵa Juldyzdar matchy-2018-di ótkizýge úmitker qalalardyń ótinimderi tanystyryldy. Helsınkı rolıginiń bas keıipkeri dańqty ıArı Kýrrı boldy. Al matchty ótkizýge qosymsha dálel retinde kelesi jyly Fınlıandııa táýelsizdiginiń 100 jyldyǵy men «Iokerıtanyń» 50 jyldyǵy ataldy», - dep jazady khl.ru.
Saıt aqparatyna qaraǵanda, Vladıvastok ótinimin tanystyrýǵa Prımorsk ólkesiniń gýbernatory Vladımır Mıklýshevskııdiń ózi kelgen.
«Prımorskide hokkeıdi únemi jaqsy kórsetti. Biraq, Vladıvostokta «Admıral» hokkeı klýby qurylǵannan keıin súıispenshilik arta tústi. Múmkinshilik bolǵanda men barlyq matchtardy kórýge tyrysamyn jáne ol umytylmas kerekelik kóńil-kúı syılaıdy. Bizdiń hokkeıge degen súıispenshiligimiz sizderge de beriledi dep senemiz», - dedi ol.
Saltanatty shara barysynda tanystyrylǵan Juldyzdar matchyn ótkizýge úmitker Astana men Qazan qalalarynyń rolıkteri de kópshiliktiń kóńilinen shyqty. QHL-diń baǵalaý komıssııasy usynylǵan materıaldardy zerdelep, árbir qaladaǵy sport nysnadaryn tekserip shyqqannan keıin naqty sheshim qabyldanatyn bolady.
Saýalnamaǵa qatysýshylardyń 90 paıyzy Astanaǵa, 4 paıyzy Helsınkıge daýys bergen. Al Qazan men Vldadıvostok qalalary 3 paıyzdan daýys jınaǵan.
