«Juldyzdar» kimge jankúıer?

Bred Pıtt jáne Anjelına Djolı

Bulardyń otbasynda fýtbol boıynsha kelispeýshilikter bar. Bred Pıtt «Manchester ıÝnaıted» klýbyna jankúıerlik etedi. Andjelına bolsa «Lıverpýl» klýbynyń jankúıeri. Aıta keterlik taǵy bir jaıt Robbı Ýılıams, Orlando Blým jáne Djastın Tımberleıkter «Manchester ıÝnaıted» jankúıerleri. Al tanymal «Bond» Shon Konnerı bolsa «Lıverpýl» klýbyna jaqtasady.

Elızaveta ІІ

Anglııada eń tanymal fanattardyń biri Elızaveta ІІ bolsa kerek. Hanshaıym Londonnyń «Arsenal» klýbynyń jankúıeri. 2007 jyly klýbtyń jattyqtyrýshylary men fýtbolshylary úshin Býkıngem saraıynda arnaıy qabyldaǵan.

Sılvestor Stalone

Jas kezimizden tanıtyn osy «Rokkı» qarapaıym klýbtardyń biri bolǵan «Evertonǵa» jankúıer eken. «Everton» Anglııada emes, álemniń basqa buryshtarynda da jankúıerlerge ıe. Budan bólek Pol Makkartnı de «Evertondy» qoldap-kýattaıdy.

Bıll Klınton jáne Sharlız Teron

AQSh-tyń burynǵy prezıdenti «Chelsı» klýbynyń naǵyz jankúıeri ekendigin onyń qyzyna «Chelsı» - dep at qoıǵandyǵynan bilýge bolady. Tipti matchtardyń birinde «Aqsúıekter» Sharlız Teronga úzilis ýaqytynda óz esimi jazylǵan jeıdeni syılaǵan.

Adrıano Chelentano

Chelantano tipti stýdııada án jazyp jatqan kezinde de, jumysy bastan asyp jatsa da óziniń súıikti klýby «Interdiń» oıynyn tamashalap ketedi eken. 2008 jyly klýbtyń júz jyldyq merekelik toıynda «il ragazzo della Gluck» óleńin shyrqaǵan bolatyn. Klýb prezıdenti Massımo Morattı sol kezde «Chelentanomen birge án aıtqan, Pelemen birge fýtbol oınaǵandaı fantastıka» degen.

Sofı Loren

«Shynar astyndaǵy dýel» ekrandarǵa shyqqan kezde óte tanymal bolǵan Sofı fýtboldyń jankúıeri. Ol Italııanyń «Napolı» klýbyna jankúıerlik tanytady.

Toto Kýtýno

Italııanyń tanymal ánshisi - «Mılan» klýbyna bolysady. Ol tipti klýb prezıdenti Sılvıo Berlýskonımen dos. Toto kóbine óziniń tanymal «Serenata» ániniń «Per i vecchi artisti e i camerieri» degen jerin «Forza Milan, Forza Rossoneri» dep aıtady.

Hýlıo Iglesıas

Hýlıo 16 jasynda «Real Madrıd» mektebinde qaqpashy bolǵan. Biraq, 1963 jyly avtomobıl apatyna túsken soń onyń barsha josparlary arman bolyp qaldy. Ol eki jyl aýrýhanada jatyp, gıtara tartýdy úırenip, ánshilikti tańdady. Hýlıo qazirge deıin «Realdyń» jankúıerleriniń biri. Budan bólek tennısshi Rafael Nadal, akterler Antonıo Banderas jáne Penelopa Krýz da «Realdyń» jankúıerleri.

Shakıra

Shakıranyń 2010 jylǵy álem birinshiligine jasaǵan saýndtregin kórmegen adam joq shyǵar. Onyń fýtbolshy Jerard Pıkemen arasyndaǵy mahabbat seimderi barshaǵa belgili. Shakıra «Barselona» ótkizgen matchtarda kóp kózge túsedi. Budan bólek, Mıhael Shýmaher, basketbolshy Kobı Braıant ta «barsashylar».