«Juldyz» týrnıriniń aıasy keńeıip keledi
ASTANA. 31 mamyr. QazAqparat - «Juldyz» mektebiniń kýbogy úshin kórkem gımnastıkadan halyqaralyq týrnırdiń aıasy keńeıip keledi. Búgin «Juldyz - 2013» II Halyqaralyq týrnıriniń ashylý rásiminde QR Sport jáne dene shynyqtyrý isteri agenttiginiń tóraǵasy Erlan Qojaǵapanov osylaı aıtty.
Agenttik tóraǵasy atap kórsetkendeı, «Juldyz» mektebiniń ashylǵanyna bir jyl bolsa, onyń aıasynda kórkem gımnastıkadan halyqaralyq týrnır osymen ekinshi ret ótip otyr. «Osy jolǵy týrnırge on eldiń jas gımnastary keldi. Olardyń sany búginde 200-den asty. Jalpy, búginde Qazaqstandaǵy sport qarqyndy damyp keledi. Menińshe, oǵan London Olımpıadasy qatty áser etti», - dep atap kórsetti E. Qojaǵapanov.
Aıta keteıik, búgin Astanadaǵy «Saryarqa» velotregi ǵımaratynda «Juldyz - 2013» kýbogy úshin kórkem gımnastıkadan II Halyqaralyq týrnır bastaldy Oǵan Qyrǵyzstan, Reseı, Belarýs, Grýzııa, Sıngapýr, Izraıl, Ázirbaıjan, Túrkııa, Ózbekstan men Qazaqstannyń jas gımnastary qatysýda.
