Juldyz Omarbekova: Jastar - qoǵamnyń áljýaz toby emes
«Jalpy, bizdiń oıymyzsha, jastarǵa kómek kórsetý kerek emes. Sebebi, jastar - qoǵamnyń áljýaz toby emes, kúsh-qýaty mol, elimizdi alǵa jyljytatyn top. Sol sebepti, bizdiń basty maqsatymyz - jastarǵa jaǵdaı jasaý. ıAǵnı, jastardyń jaqsy bilim alýyna, sportpen shuǵyldanyp, súıikti mamandyǵyn tańdaýyna, bıznespen aınalysýyna jaǵdaı jasaý kerek. Jastarmen jıi kezdesip turamyz. Olardyń «bizge kómektesýdiń qajeti joq, kedergi jasamasańyzdar boldy» degen ózderi jaqsy kóretin sózi bar. Sondyqtan, bizdiń maqsat - olarǵa jaǵdaı jasaý», - dep atap ótti vıtse-mınıstr «Nur Otan» partııasy Tóraǵasynyń Birinshi orynbasary Máýlen Áshimbaevtyń qatysýymen ótken #NurOtanPikir erkin pikirtalas alańynda.
Juldyz Omarbekovanyń aıtýyna qaraǵanda, jastardy qoldaý maqsatynda birshama baǵyttaǵy jumysqa basymdyq beriledi.
«Birinshiden, sapaly bilim berý. Qazirgi ýaqyt - ınternettiń zamany. Qashyqtyqtan oqý múmkindigi bar. Eń bastysy, sapaly bilimniń jastarǵa qoljetimdi bolýyn qamtamasyz etsek deımiz. Sebebi, jastardyń barlyǵy Almaty men Nur-Sultanda oqýǵa qumar. Alaıda, kez kelgen oblys ortalyǵynda sapaly bilim qoljetimdi. Ekinshiden, jumyspen qamtý jáne kásipkerlik. Bıyl «Jas kásipker» baǵdarlamasy aıasynda 3 jyldyń ishinde jas kásipkerlerge 60 myń grant bólinedi. Jastar bıznes ashamyn dese - tolyq múmkindik bar», - deıdi ol.
Vıtse-mınıstr úshinshiden jas mamandardy baspanamen qamtamasyz etýge basymdyq beriletinin tilge tıek etti.
«Ásirese, bıýdjet salasynda eńbek etetin dárigerler, muǵalimderge jaldamaly páter beriledi. Baspananyń kimderge qalaı beriletinine qatysty talaptar bir aıdyń ishinde pysyqtalyp, daıyn bolady», - deıdi Juldyz Omarbekova.
Aıta ketsek, búgin «Nur Otan» partııasy Tóraǵasynyń Birinshi orynbasary Máýlen Áshimbaevtyń qatysýymen #NurOtanPikir erkin pikirtalas alańynyń kezekti otyrysy ótti. Onda qatysýshylar «Jańa álemdegi jastar kelbeti» taqyrybynda oı qozǵap, elimizdegi búgingi jastar saıasaty, osy salaǵa memleket tarapynan kórsetilip jatqan qoldaý jáne búgingi jas býynnyń baǵyt-baǵdary jaıynda áńgime órbitti.