Juldyzqurttyń qaptaýy: ShQO-da aýyldardy dárileý jumystary júrgizilip jatyr
ÓSKEMEN. KAZINFORM – Shyǵys Qazaqstan oblysynda jer úılerdiń baqshalary men orman alqaptaryna qaýip tóndiretin juldyzqurttyń qaptap ketýine qatysty tıisti sharalar qolǵa alyndy.
Alǵashqy hımııalyq óńdeý jumystary qurttar eń kóp tirkelgen Belogorskoe aýylynyń shetinde júrgizildi. Olardyń oshaqtary eldi mekennen 25 shaqyrym jerde. 30 maýsym kúngi óńdeý jumystaryna «Asýbulaq orman sharýashylyǵy» KMM mamandary qatysty. Ulan aýdany ákimdiginiń málimetinshe, óńdeý sanıtarlyq talaptardy saqtaı otyryp, ruqsat etilgen hımııalyq preparattarmen júrgizilgen.
– Ashyq aýmaqta 18 gektar jer óńdeldi. Barlyǵy bekitilgen normalarǵa sáıkes oryndaldy, - delingen habarlamada.
Alaıda ázirge bul jumystar tek jekelegen aýmaqtarmen ǵana shektelip otyr. Asýbulaq jáne Ognevka sııaqty basqa da aýyldardyń turǵyndary áli kúnge deıin jappaı taraǵan juldyzqurtpen óz betimen kúresip jatyr.
Eske salsaq, osyǵan deıin ShQO-da aýyl turǵyndary shegirtkeniń qaptap, jaıylymdy qurtyp jatqanyna shaǵymdanǵany habarlanǵan.