Juldyzdar da saılaýdan tys qalmady: Astanada tanymal tulǵalar daýys berdi
ASTANA. KAZINFORM — Astanada QR Quryltaıy depýtattarynyń saılaýy ótip jatyr. Daýys berýge tanymal mádenıet qaıratkerleri, elge áıgili sportshylar men zııaly qaýym ókilderi de qatysyp jatyr, dep habarlaıdy elorda ákimdiginiń resmı saıty.
Tań atqannan bastap olar qalanyń ár aýdanyndaǵy saılaý ýchaskelerine baryp, óz tańdaýlaryn jasady. Tanymal qazaqstandyqtardyń saılaý ýchaskelerine kelýi qala turǵyndarynyń da nazaryn aýdardy. Ýchaskelerde jyly ári erekshe kóńil kúı qalyptasyp, turǵyndar súıikti óner ıelerimen jáne sportshylarmen áńgimelesip, estelik sýretke tústi.
Daýys berýge mádenıet salasynyń ókilderi, onyń ishinde Altynaı Jorabaeva, Maqpal Mysa, Gúlmıra Jakılına, Nurqanat Jaqypbaı, Qurmanbaı Mahan jáne basqa da tanymal tulǵalar qatysty.
Saılaýǵa belgili boksshy Vasılıı Levıt, tanymal sportshylar Aıbek jáne Nurbek Oralbaılar, Malıka Abjanova, Merýert Balǵynbaeva jáne sport qaýymdastyǵynyń ózge de ókilderi qatysty.
Sondaı-aq elordanyń zııaly qaýym ókilderi Roza Muqanova, Saýytbek Abdrahmanov, Dáýletkereı Kápuly, Kárimbek Qurmanálıev jáne basqa da azamattar saılaýǵa qatysty.
Mádenıet, sport qaıratkerleri men zııaly qaýym ókilderiniń saılaýǵa qatysýy bul mańyzdy saıası naýqannyń qoǵamnyń ártúrli salasynyń ókilderi úshin máni zor ekenin kórsetti. Olardyń árqaısysy óz tańdaýyn jasap, azamattyq ustanymyn bildirdi.
Osydan buryn Oraldaǵy saılaý ýchaskesinde Qyz Jibek pen Tólegen daýys bergenin jazdyq.
