Toqaev Súleımenovany Oqý-aǵartý mınıstri qyzmetinde qaldyrdy
ASTANA. KAZINFORM — Juldyz Súleımenova Oqý-aǵartý mınıstrligin basqara beredi.
Tıisti Jarlyqqa Prezıdent Qasym-Jomart Toqaev qol qoıdy.
— Juldyz Dosbergenqyzy Súleımenova Qazaqstan Respýblıkasynyń Oqý-aǵartý mınıstri laýazymyna taǵaıyndalsyn, — delingen qujatta.
Juldyz Súleımenova 1983 jyly Aqtóbe oblysynda dúnıege kelgen. Ál-Farabı atyndaǵy Qazaq ulttyq ýnıversıtetiniń «Tarıh» fakýlteti bakalavrıatyn, «Fılosofııa jáne saıasattaný» fakýltetiniń magıstratýrasyn jáne PhD doktorantýrasyn támamdaǵan. Tarıhshy-ustaz, fılosofııa jáne saıasattaný magıstri, mádenıettaný PhD doktory.
2000–2004 jyldary ál-Farabı atyndaǵy Qazaq ulttyq ýnıversıtetiniń stýdenttik ózin-ózi basqarý uıymynyń tóraıymy.
2004–2006 jyldary Almaty ekonomıka jáne statıstıka akademııasynyń Aqtóbe ınstıtýtynda áleýmettik-gýmanıtarlyq pánder kafedrasynyń oqytýshysy, jastar isi jónindegi komıtettiń tóraıymy.
2006 jyly «Nur Otan» HDP Aqtóbe oblystyq fılıalynyń konsýltanty, «Jas Otan» Jastar qanaty respýblıkalyq keńesi tóraǵasynyń orynbasary.
2007–2008 jyldary Almaty qalasyndaǵy Y. Altynsarın atyndaǵy № 159 kópsalaly gımnazııasynda tarıh jáne quqyq pánderiniń muǵalimi.
2008–2011 jyldary Qazaq ulttyq agrarlyq ýnıversıtetiniń oqý-tárbıe jumysy jónindegi prorektordyń orynbasary, Jastar ákimshiliginiń tóraǵasy.
2011 jyly Halyqaralyq Bıznes Akademııasynyń stýdenttermen jumys jónindegi dekany.
2011–2012 jyldary Qazaq memlekettik qyzdar pedagogıkalyq ýnıversıtetiniń Bas ǵalym hatshysy.
2012–2017 jyldary «Nazarbaev Zııatkerlik mektepteri» derbes bilim berý uıymynyń Bilim berý saıasaty jáne baǵdarlamalar departamentiniń aǵa menedjeri, dırektordyń orynbasary.
2017–2019 jyldary «Nazarbaev Zııatkerlik mektepteri» derbes bilim berý uıymy Zııatkerlik mektepterdi damytý departamentiniń dırektory.
2019–2021 jyldary Almaty q. fızıka-matematıka baǵytyndaǵy Zııatkerlik mektebiniń dırektory.
2021–2025 jyldary Qazaqstan Respýblıkasy Parlamenti Májilisiniń VІІ, VІІІ shaqyrylym depýtaty, Áleýmettik mádenı damý komıtetiniń múshesi.
«AMANAT» partııasy fraktsııa jetekshisiniń orynbasary.
2022 jyldan bastap Qazaqstan Respýblıkasy Prezıdentiniń janyndaǵy Ulttyq Quryltaı múshesi.
2023 j. «AMANAT» partııasy Áıelder qanatynyń teń tóraǵasy.
2025 jyly Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııa múshesi.
2025 jylǵy 29 qyrkúıekten Qazaqstan Respýblıkasy Oqý-aǵartý mınıstri, 2026 jylǵy 3 qyrkúıekte bul qyzmetke qaıta taǵaıyndaldy.
Eske salaıyq, buǵan deıin Dáýren Qosanov Qorǵanys mınıstri, Erjan Sádenov Іshki ister mınıstri, Ǵalymjan Qoıshybaev Premer-mınıstrdiń orynbasary — Úkimet Apparatynyń basshysy, Serik Jumanǵarın Premer-mınıstrdiń orynbasary — Ulttyq ekonomıka mınıstri, Jaslan Mádıev Jasandy ıntellekt jáne tsıfrlyq damý mınıstri, Nurlybek Nálibaev Premer-mınıstrdiń birinshi orynbasary, Qanat Bozymbaev Premer-mınıstrdiń orynbasary, Mádı Takıev Qarjy mınıstri, Nurlan Saýranbaev Kólik mınıstri, Erlan Sársembaev Ádilet mınıstri, Murat Muhanov Tótenshe jaǵdaılar mınıstri, Erlan Aqkenjenov Energetıka mınıstri, Ersaıyn Naǵaspaev Ónerkásip jáne qurylys mınıstri laýazymyna taǵaıyndalǵanyn habarlaǵanbyz.
