Júlde qory 225 000 AQSh dollaryn quraıtyn osy maýsymdaǵy Qazaqstandaǵy iri halyqaralyq tennıs týrnıry 31 shildege deıin jalǵasady
TANA. 25 shilde. QazAqparat /Marlan Jıembaı/ - «Prezıdent kýbogy» halyqaralyq tennıs týrnırindegi qazaqstandyq sportshylardyń basty mindeti - barynsha mol upaı alý.
Bul týraly búgin elordada shymyldyǵyn túrgen erler úshin ATR jáne áıelder úshin ITF «Prezıdent kýbogy» jarysynyń aıasynda uıymdastyrylǵan baspasóz máslıhatynda QR Tennıs federatsııasynyń vıtse-prezıdenti Ádil Bórlibaev málim etti.
«Barlyq týrnırdegideı kez kelgen kásibı tennısshige barynsha mol upaı jınaý mańyzdy. Sondyqtan olardyń aldynda reıtıngin kóterý úshin osy týrnırde jeńip shyǵý mindeti tur», - dedi ol.
Júlde qory 225 000 AQSh dollaryn quraıtyn osy maýsymdaǵy Qazaqstandaǵy iri halyqaralyq tennıs týrnıry - erler úshin ATR jáne áıelder úshin ITF «Prezıdent kýbogy» jarysy 31 shildege deıin jalǵasady.
Qazaqstan Tennıs federatsııasynyń málimetteri boıynsha týrnırge álemniń 30-dan astam eliniń sportshylary qatysady. Olardyń qatarynda Dýdı Sela (Izraıl), Karl Bek (Slovakııa), Konstantın Kravchýk (Reseı), Marko Kıýdenelı (Shveıtsarııa), Denıs Matsýkevıch (Reseı), Ksenııa Pervak (Reseı), Evgenııa Rodına (Reseı), Aranta Rýs (Nıderlandy), Tamarın Tanasýgarn (Taıland), Akgýl Amamýradova (Ózbekstan), ıÝnrı Namıgata (Japonııa) syndy tanymal sportshylar bar.
Sondaı-aq jarys jolyna qazaqstandyq tennısshiler: Andreı Golýbev, Mıhaıl Kýkýshkın, Zarına Dııas, Galına Voskoboeva shyǵady.
