Júlde qory 100 myń AQSh dollaryn qamtıtyn ІІ «Eýrazııa Barysy» Balýan Sholaqtyń 150 jyldyǵyna arnalady
ASTANA. QazAqparat - 22 qarashada Tarazda Balýan Sholaqtyń 150 jyldyǵyna arnalǵan qazaq kúresinen ІІ «Eýrazııa Barysy» halyqaralyq týrnıri ótedi. Bul týraly búgin Astanadaǵy baspasóz máslıhatynda QR Mádenıet jáne sport vıtse-mınıstri Tastanbek Esentaev málim etti.
Týrnırge Qazaqstan balýandarynan bólek, Qytaı, Ázerbaıjan, Qyrǵyzstan, Grýzııa, Polsha, Mońǵolııa, Tájikstan, Reseı, Túrkııa, Ýkraına jáne Ózbekstan elderiniń quramalary qatysady.
Jarys bes salmaq dárejesi boıynsha komandalyq saıys túrinde ótkiziledi.
Týrnırdiń jalpy júlde qory júz myń AQSh dollaryn qamtyp otyr.
Jobany «Qazaqstan Barysy» qazaq kúresin damytý qory, QR Qazaq kúresi federatsııasy, Jambyl oblysynyń ákimdigi uıymdastyryp otyr. Al osy aıtýly sporttyq dodaǵa «Samuryq-Qazyna» Ulttyq ál-aýqat qory bas demeýshilik etpek.
