Júlde qory – 4,5 mln teńge: «Otandy súıý – júrekten» respýblıkalyq baıqaýy bastaldy
ASTANA. KAZINFORM – Qazaqstan Respýblıkasynyń memlekettik rámizderin nasıhattaý, patrıottyq rýhty nyǵaıtý jáne ulttyq qundylyqtarǵa qurmetti arttyrý maqsatynda «Otandy súıý – júrekten» respýblıkalyq baıqaýy jarııalandy. Bul týraly Mádenıet jáne aqparat mınıstrligi habarlady.
Konkýrs mobılografııa, shyǵarmashylyq jumystar jáne ǵımarattar men aýlalardy bezendirý baǵyttary boıyna uıymdastyryldy.
Baıqaýdyń jalpy júlde qory – 4 500 000 teńge.
Ótinimder 2025 jylǵy 6 qazannan 22 qazanǵa deıin qabyldanady. Qorytyndy is-shara Astana qalasynda 25 qazan – Respýblıka kúni ótedi.
Baıqaý erejesi QR Mádenıet jáne aqparat mınıstrliginiń resmı saıtynda jarııalanǵan.
Qosymsha aqparat alý úshin 8 (7172) 74 05 51 telefonyna habarlasýǵa nemese ótinimderdi bolashakkazakhstan2025@mail.comelektrondy poshtasyna joldaýǵa bolady.
Aqtóbede halyqaralyq «Ádebıet. Rýh. Qoǵam» ádebı baıqaýynyń jeńimpazdary marapattalǵanyn jazǵan bolatynbyz.