Júlde qory – 3 000 000 teńge: Elordada eń júırik tazy anyqtalady
ASTANA. KAZINFORM – Elordada shyrǵa tartý boıynsha «Tazy Gran-Prı» baıqaýy ótip jatyr. Jarysqa 17 óńirden 69 tazy qatysady.
– Qazaq tazy sport federatsııasy úshinshi márte jarys uıymdastyryp otyr. Alǵashqy jarysqa 20 óńirden 150 tazy qatysty. Ekinshi básekege 220 tazy jınaldy. Biraq bul joly sanǵa mán bergen joqpyz. Іrikteýge 300-den asa adam jazyldy. Solardyń arasynan eń myqty degen 70-ke jýyq tazyny tańdadyq. Búgin 37 arlan men 32 qanshyq bólek jarysady, - dedi Qazaq tazy sport federatsııasynyń quryltaıshysy Nurqoja Ersaıyn.
Baıqaýdyń jalpy júlde qory – 3 000 000 teńge.
– Birinshi oryn alǵan 2 tazyǵa 750 myń teńgeden, ekinshi oryn ıegerlerine 500 myńnan, úshinshi orynǵa 250 myń teńgeden beriledi, – dedi uıymdastyrýshy.
Aıta keteıik, qazaq tazylary Helsınkıdegi Dúnıejúzilik ıtter kórmesinde álemge tanystyryldy.