Júlde qory - 100 myń dollar: Almatyda dzıýdodan halyqaralyq jarys ótedi

Almatyda 21 jeltoqsan kúni tuńǵysh ret dzıýdodan erler arasyndaǵy halyqaralyq komandalyq «Jenys Cup» týrnıri ótedi, dep habarlaıdy Kazinform.

QR Ulttyq olımpıadalyq komıtetiniń baspasóz qyzmeti habarlaǵandaı, komandalyq týrnır 66kg, 73kg, 81kg, -90kg, +90kg salmaq dárejelerindegi erler arasynda ótedi.

Búgingi kúnge deıin jarysqa Qazaqstan, Túrkııa, Frantsııa, Reseı, Belarýs, Ózbekstan, Tájikstan, Qyrǵyzstan, Grýzııa, Ispanııa elderinen 17 klýb tirkelgen.

Jarys erejesi boıynsha ár salmaq dárejesinde komandalar bir-birimen aınalmaly júıe boıynsha kezdesedi.

Qatysýshylardyń qatarynda Olımpıada júldegerleri Gýram Týshýshvılı (Grýzııa), álem jáne Azııa chempıondary Lýka Maısýradze (Grýzııa), Shalva Gýreshıdze (Grýzııa), Somon Mahmadbekov (Tájikstan), Bashý Iondonperenleın (Mońǵolııa) jáne álemdik Grand Slam, halyqaralyq dárejedegi týrnırlerdiń jeńimpazdary men júldegerleri Odhıýgıın Tsetsentsentsengel (Mońǵolııa), ıAkýb Shamılov (Reseı), Aıbek Serikbaev (Qazaqstan), Shahram Ahadov (Ózbekstan), Kýbanychbek Aıbekýýlý (Qyrǵyzstan), Hodjazoda Behrýz (Tájikstan), Karamat Gýseınov (Ázirbaıjan) bar.

«Jenys Cup» týrnıriniń jalpy júlde qory 100 myń AQSh dollaryn quraıdy: 1 oryn - 30 myń AQSh dollary, 2 oryn - 20 myń AQSh dollary, eki 3 oryn árqaısysy 10 myń AQSh dollarynan syıaqy alady.

Sonymen qatar jarys barysynda úzdik dzıýdoshy, úzdik komandalyq sportshy anyqtalyp, arnaıy qarjylaı syılyqtar tabystalatyn bolady.

Jarys 21 jeltoqsan kúni Almatyda saǵat 9:00-de bastalady.