JÝLЬEN SMIT: 20 jasta bilýimiz kerek 20 nárse...
1. Álem seni aqymaq etkisi keledi. Máselen, banktik júıeni bilmeıtin adam kredıtti óte kóp mólsherdegi ústemesimen alyp, sońynan san soǵady. Bilimsiz adamnan aqsha tabý jáne ony basqarý ońaı. Baqytty, baı jáne táýelsiz bolǵyń kelse, múmkindiginshe bilimdi bolýǵa tyrys.
2. Bilim berý ınstıtýttaryna birjaqty sene berme. Olar oqý josparyn daıyndap, onyń qate jasalǵany anyqtalǵansha, kóp ýaqyt ótedi de, jumys jasap turǵan júıe sol ýaqyt ishinde kúırep úlgeredi. Sondyqtan, bireýdiń sońynan júrip oqyǵansha, kósh bastaý arqyly bilim alý jón.
3. Múmkindiginshe kóp oqy. Eske saqtaý qabiletińdi jaqsartyp alyp, tez oqýǵa tyrys. Men bilemin, sen bir aptada kem degende bir kitapty oqyp bitire alasyń.
4. Árkezde de barlyq adammen baılanysta bol. Baılanys jasaýdyń sheberi bol. Adamdardan jaqsy qasıet tabýdy ádetke aınaldyr. Ony sol jaqsy qasıetimen tany.
5. Qarapaıym bolamyn dep ýaqytty sarqyma. Qarapaıymdylyq - siz sheshim qabyldap jatqan sátińizge sizdiń sezimderińiz tórelik etedi degenge sený. Qarapaıym ári naqty áreket et.
6. Eger áldekimmen baılanysta seni áldene jaman qyrymen «tańǵaldyryp», mazalaıtyn bolsa, arany úz. Bul - ýaqytyńdy bos ótkizý.
7. Úlkendermen kóbirek aralas. Sheshim qabyldaýdy úlkennen úırený durys. Qatarlasyńnan úırenýdiń esh nátıjesiz ekenin bil. Úlkender senderdiń keıinnen biletinderińdi biledi, sondyqtan «keıindi» kútpeı, sol sátte úlkennen suraǵanyń abzal.
8. Ózińnen myqty adamdy izde. Onymen kóp ýaqytyńdy birge ótkiz. Ol myqtymen deńgeıles bolýǵa, tipti ozýǵa da talpyn.
9. Máseleni keshiktirmeı bitir. Eger másele sheshimin tappaı, uzaqqa sozylsa qorqynysh údeı beredi. Maǵan sen...
10. Shyǵyndy barynsha azaıt. Bul seniń basty armanyń men maqsatyńa qol jetkizýge múmkindik beredi.
11. bir sáttik qýanyshty emes, máńgi este qalatyn qyzyqty tańda . Máselen, jańa jıhaz alý nemese Parıjge baryp kelý tańdaýy qatar kelse, sońǵysyn tańdaǵanyń jón. Zertteýler bundaı tańdaýdyń adamnyń ózin-ózi baǵalaýyn arttyratynyn kórsetken.
12. Jaǵdaıyń nashar bolsa, eń birinshi materıaldyq máseleńdi sheshý kerek. Sende 5 jylǵa arnalǵan jeke jospar bolý kerek. Buǵan birtindep kelýge tyrys.
13. Jobalaýdy úıren. Bul elestetý qabiletiń men logıkańdy damytady.
14. Jastaıyńnan salmaq arttyrma. Múmkindikti jiberip almaý kerek.
15. Tamaq jasaýdy úıren. Bul ómirińdi ońaı etedi. Tamaq jasaýdy jumys dep emes, kóńilge jaǵymdy is dep uǵý kerek. Árıne, bul arqyly aqshańdy ońǵa-solǵa shashýdy azaıtasyń.
16. Uıqyny qandyryp júrińiz. Uıqy men turaqty tamaqtaný semizdikten qutqarady. «Men qazir mynany jasaýym kerek» nemese «O dúnıede de uıyqtap úlgeremin» deseń, aıtaıyn - «uıqyń tynysh bolmasa sen eshtemege de jaramaısyń!».
17. Bloknotyń bolsyn. Mıyńa senbe. «Mynany isteýim kerek pe edi...» degen oımen emes, qaǵazda jazylǵan naqty tapsyrmany jasa.
18. Aldyńa úlken maqsat qoıa bil de, ony oryndaýǵa múmkindik izde. Bolar nárse bolar, biraq bolar nárseniń bolatynyn aldyn ala bilseń, ózińe jaqsy...
19. Áıteýir bir salanyń sheberi bol. Aınalsoqtap júre bermeı, bir iske 5 jylyńdy arna. Odan keıin mamandyqty aýystyrǵyń kelse - erik ózińde. Biraq aýysqan salańa senimdi bol.
20. Adamdy túzeımin dep áýre bolma. Odansha «búlinbegen» adamdardy izdep tap.