Júktilik jáne bosanýǵa baılanysty tólemge ótinishti endi ekinshi deńgeıli bankter arqyly berýge bolady
ATYRAÝ. KAZINFORM — Eńbek jáne halyqty áleýmettik qorǵaý mınıstrligi Jasandy ıntellekt jáne tsıfrlyq damý mınıstrligimen ekinshi deńgeıdegi bankterdiń aqparattandyrý obektileri arqyly «Júktilikke jáne bosanýǵa, jańa týǵan balany (balalardy) asyrap alýǵa baılanysty kirisinen aıyrylý jaǵdaıy boıynsha áleýmettik tólem taǵaıyndaý» memlekettik qyzmetin kórsetý jónindegi pılottyq jobany iske asyrý týraly birlesken buıryq jobasyn ázirledi. Qujatqa qatysty aqparat «Ashyq NQA» portalynda jarııalanǵan.
— Pılottyq joba ótinish berýdiń qashyqtan oryndalatyn balamaly tásilin engizý maqsatynda júzege asyrylyp otyr. Bul júktilik jáne bosaný boıynsha áleýmettik tólemdi alý úderisiniń qoljetimdiligi men qolaılylyǵyn arttyrady, — delingen habarlamada.
Buıryq jobasy týraly aqparat 2025 jylǵy 11 jeltoqsanyna deıin «Ashyq NQA» ınternet-portalynda qoǵamdyq talqylaý úshin jarııalandy.
Aıta keteıik, júktilik pen bosaný tólemderiniń kólemi keıingi 5 jylda 5 ese artty.