Júktilikti josparlap júrseńiz, aldymen vaktsına alǵanyńyz durys – maman keńesi

NUR-SULTAN. QazAqparat – Qazaqstannyń reprodýktıvti medıtsına qaýymdastyǵynyń prezıdenti Vıachaslav Lokshın júktilikti josparlap júrgen kelinshekterge aldymen koronavırýsqa qarsy vaktsına salýǵa keńes berdi, dep habarlaıdy QazAqparat tilshisi.

«Eger júkti bolýdy josparlap júrseńiz, onda aıaǵyńyz aýyrlaǵanǵa deıin vaktsına saldyryp alǵan durys. Sol arqyly siz ózińizdiń densaýlyǵyńyzdy qorǵaı alasyz. Árıne, ádette jas kelinshekterdiń júkti bolatyndyǵyn jáne olarda kóp jaǵdaıda koronavırýs ınfektsııasy jeńil ótetindigin túsinemiz. Degenmen, júktilik kezinde ókpe qabynýy qosylatyn bolsa, onda bul jaıt densaýlyqqa úlken problema týyndatyp, táýekel de arta túsedi», - dedi ol Ortalyq kommýnıkatsııalar qyzmetindegi baspasóz máslıhatynda.

Sondyqtan ol vaktsına alý kerektigin basa aıtady.

«Vaktsınatsııa aýyryp qalmaýdyń nemese aýrýdyń asqynyp ketýine jol bermeýdiń jalǵyz joly», - dedi Vıachaslav Lokshın.