Júkti kelinshekter 70 mln teńgeni úptep ketken
ASTANA. QazAqparat - Qaraǵandy oblysynda úsh áıel júkti kelinshektermen kelise otyryp, áleýmettik tólemaqyǵa arnalǵan bıýdjettiń qyrýar qarjysyn jymqyrǵan, dep habarlaıdy QazAqparat tilshisi.
«Ol áıelder Almaty qalasynyń kásipkerleri atynan júktilik pen bosanýǵa, sondaı-aq bala kútimine arnalǵan áleýmettik tólemderdi úptep ketken. Memleketke kelgen shyǵynnyń jalpy somasy 70 mln teńgeden asyp jyǵylady. Qazirgi kezde atalǵan qylmystyq is sotqa jiberildi», - dedi Ekonomıkalyq tergeýler departamentiniń profılaktıkaly jumys jáne baqylaý bóliminiń bastyǵy Arman Esembaev Astanada ótken baspasóz máslıhatynda.
Aıta keteıik, búgin QR Qarjy mınıstrliginiń Memlekettik kirister departamenti Ekonomıkalyq tergeýler qyzmeti alty aıda atqarylǵan jumys boıynsha esep berdi. Sońǵy alty aıdyń ishinde ekonomıkalyq qylmystar boıynsha memleketke kelgen shyǵyn 151,5 mlrd teńgeni qurady. Atalǵan qarjynyń bári áleýmettik baǵdarlamalarǵa arnalǵan bolatyn. Bul qarjy shamamen 70 mektepti turǵyzýǵa, nemese 40 aýrýxanany salyp, ony tolyǵymen jabdyqtaýǵa jetedi. Al, Shymkenttik sheneýnikter bıýdjet aqshasyn jymqyrýdyń taǵy bir jolyn tapty.
