Júkti áıelge vaktsınany qashan alýǵa bolady

NUR-SULTAN. QazAqparat – Áıelderge júktiliktiń qansha aptasynan bastap vaktsına alýǵa bolady? Bul saýalǵa QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova jaýap berdi, dep habarlaıdy QazAqparat tilshisi.

«Bul máseleni, áıelder júktiliktiń qandaı aptasynda vaktsına alýyna bolatyndyǵyn anyqtaý úshin Immýnızatsııa jónindegi komıssııanyń qaraýyna engizdik. Biraq, tumaýǵa qarsy vaktsınatsııany mysalǵa alyp aıtar bolsaq, júkti áıelderge 2012 jyldan beri tumaýǵa qarsy ekpe jasap kelemiz. Júkti áıelderge júktiliktiń 15 jáne odan joǵary aptalarynan bastap tumaýǵa qarsy vaktsına alýyna ruqsat beriledi. ıAǵnı, qazirgi ýaqytta ǵalymdarymyz júktiliktiń qansha aptasynda vaktsına alýǵa bolatyn merzimdi qarastyryp jatyr», - dedi Aıjan Esmaǵambetova Ortalyq kommýnıkatsııalar qyzmetindegi baspasóz máslıhatynda.

Aıta keteıik, buǵan deıin Aıjan Esmaǵambetov balalar men júkti áıelderdi vaktsınalaý úshin elimizge Pfizer vaktsınasynyń 4 mln dozasy jetkiziletinin aıtqan edi.