Júkti áıeldiń ishin as úı pyshaǵymen jaryp tastaǵan amerıkalyq 100 jylǵa sottaldy
ASTANA. QazAqparat - Kolorado soty júkti áıeldiń ishin as úı pyshaǵymen jaryp, segiz aılyq balasyn sýyryp alǵan 36 jastaǵy amerıkalyq áıeldi 100 jylǵa sottady.
Tergeý kezinde anyqtalǵandaı, Daınel Leın birneshe aı boıy janyndaǵylaryn óziniń ekiqabat ekenin aıtyp aldap kelgen.
Ol ǵalamtorǵa ózgelerdiń ýltradybystyq tekserý nátıjelerin jarııalaǵan, solaısha jurtty óziniń ekiqabat ekeninen sendirgen.
2015 jyly júkti áıelderge arnalǵan kıimder satatynyn aıtyp ol óz úıine Mıshel Ýılkınsti aldap shaqyrǵan. Keıin oǵan tap berip, eki as úı pyshaǵymen onyń ishindegi balasyn kesip alǵan.
Oǵan sábıdi óltirdi degen aıyp taǵý múmkin bolmady. Óıtkeni tergeýshiler bala ishti jaryp alyp shyqqanda tiri bolǵanyn dáleldeı almady.
Sondyqtan Leındi Mıshel Ýılkınsti óltirmek bolǵany jáne onyń júktiligin zańsyz úzgeni úshin sottady.
