Júkti áıeldi apara jatyp aýdarylǵan jedel járdem kóligine qatysty isti polıtsııa tergeýde
ASTANA. QazAqparat - Astana polıtseıleri ishinde júkti áıel bolǵan jedel járdem kóligi aýdarylǵan jol-kólik apaty faktisi boıynsha tergeý amaldaryn júrgizip jatyr.
«Polıtsııa qyzmetkerleri 13 mamyr kúni saǵat 21:50-de Orynbor-Hýseın Ben Talal kósheleriniń qıylysynda oryn alǵan jol-kólik apaty faktisi boıynsha tergeý amaldaryn júrgizip jatyr», - delingen Astana qalalyq ІІD baspasóz qyzmetiniń habarlamasynda.
«Gaz 27057» kóliginiń (jedel medıtsınalyq járdem kóligi) júrgizýshisi «ZAZ Chance» kóligimen soqtyǵysyp, sonyń saldarynan «jedel járdem» kóligi aýdarylyp qaldy».
ІІD baspasóz qyzmetiniń habarlaýynsha, jedel járdem qyzmeti kóligi alyp bara jatqan patsıent áıel (júktilik - 39 apta) jaraqattarmen aýrýhanaǵa jetkizildi. Sondaı-aq aýrýhanaǵa jedel járdemniń feldsherleri jetkizilip, keıin úılerine qaıtaryldy.
