Júkti áıelderge vaktsına salý máselesi zerttelýde - Narıman Tabynbaev
ALMATY. QazAqparat – Qazaqsanda júkti áıelderge vaktsına salýǵa ruqsat berile me? Bul saýalǵa onlaın brıfıng barysynda Almaty qalasy qoǵamdyq densaýlyq basqarmasynyń basshysy Narıman Tabynbaev jaýap berdi, dep habarlaıdy QazAqparat tilshisi.
Onlaın brıfıng barysynda BAQ ókilderi basqarma basshysyna Qazaqstanda nege júkti áıelderge vaktsına salýǵa ruqsat berilmeı otyr? degen saýal qoıdy.
Óz kezeginde Narıman Tabynbaev júkti áıelderge vaktsına salý týraly Densaýlyq saqtaý mınıstrliginen buıryq kelmegenin málim etti.
«Reseıde júkti áıelderge vaktsına salýǵa ruqsat berildi degen habar keldi, biraq bizdiń Densaýlyq saqtaý mınıstrligimizden Qazaqstanda da júkti áıelderge salýǵa bolady degen buıryqty alǵan joqpyz. Ol áli zerttelip jatyr», - dedi ol.
