Júkti áıelderge shalqalap jatýǵa tyıym salyndy
ASTANA. 17 qazan. QazAqparat - Shalqalap jatýdy unatatyn júkti áıelderde ish tastaý jáne balany óli týý qaýpi artady.
Bul týraly Sıdneıdegi hanzada Alfredtiń Koroldik aýrýhanasynyń qyzmetkerleri málimdedi, dep jazady The Daily Mail.
Zertteý barysynda mamandar búkil Avstralııadaǵy segiz aýrýhanada jatqan 295 júkti áıeldi (júktilik merzimi 32 aptadan asqan) baqylady. Nátıjesinde olar arqamen jatý ádeti óli bala týý yqtımaldyǵyn alty esege (oqıǵalardyń 50 paıyzynda naqty sebepterdi anyqtaý múmkin emes) arttyratyndyǵyn anyqtady, dep habarlaıdy Bı-Bı-Sı.
Jumys jetekshisi Adrıenn Gordonnyń aıtýynsha, buǵan deıingi málimetter de osyndaı qalypta jatý ishtegi nárestege qannyń barýyn shekteıdi. Oń jaq búıirmen jatý - aıaqtan bastap júrekke baratyn qannyń kúre tamyr arqyly kelýin azaıtady. Sarapshylar júkti áıelderdiń tórtten úsh bóligi negizinen sol jaq búıirimen uıyqtaıtyndyǵyn anyqtady. Olar áıelder uıqy úshin nárestege yńǵaıly qalypty ınstınktpen tańdaıdy dep paıymdaıdy.
