Júkti áıelderge kúnniń astynda uzaq júrýge bolmaıdy
ASTANA. QazAqparat - Kúnniń astynda kóp júretin júkti áıelderde keıbir qıyndyqtar týyndaýy múmkin. Bul týraly Kvınslend tehnologııalyq ýnıversıtetiniń ǵalymdary eskertip otyr.
Osy oraıda 45 áıelge zertteý júrgizilip, kún uzaqqa dalada júretin júkti áıelderde folı qyshqylynyń (V9 dárýmeni) tuzdyq deńgeıi 20 paıyzǵa tómendegen eken. Al júkti áıelderde folı qyshqyly tuzynyń tapshylyǵy balanyń júıke tútiginiń kemshiligine jáne omyrtqanyń jaryqshaqtanýyna baılanysty bolady. Bul óz kezeginde balalardyń sal aýrýy men deneniń ózgerýine alyp keledi. Sonymen qatar dárýmenniń tapshylyǵy túsikke de yqpal etýi múmkin.
Professor Maıkl Kımlın zertteý tujyrymdary tek tropıkalyq óńirlerdiń turǵyndaryna qatysty ekenin joqqa shyǵarmaı otyr. Ol osy baǵytta aýqymdy zertteý jumystaryn júrgizýge kirispek, dep jazady Rosbalt.
