Júkti áıelderde «Spýtnık V» preparatyna jaǵymsyz reaktsııalar anyqtalǵan joq
NUR-SULTAN. QazAqparat - Júkti áıelderde «Spýtnık V» preparatyna eleýli jaǵymsyz reaktsııalar anyqtalǵan joq. Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.
«21 júkti áıelge júrgizilgen koronavırýsqa qarsy vaktsınany zertteý barysynda aýyrdyń asqyný jaǵdaılary baıqalǵan joq», - dep habarlady Gamaleıa atyndaǵy epıdemıologııa jáne mıkrobıologııa ǵylymı ortalyǵy.
Osyǵan baılanysty, júkti áıelderdi COVID-19 preparatymen vaktsınalaý múmkindigi týraly máseleni qarastyrýǵa basymdyq berilýde. Sebebi júktilik kezindegi aýrý qaýip týdyrady.
Sonymen qatar ortalyq ǵalymdary júkti áıelderde vaktsınany qoldaný qaýipsizdigin baǵalaý úshin sútqorektilerge qosymsha klınıkaǵa deıingi zertteýler júrgizdi. Júktilik kezinde vaktsına alǵan janýarlar tóldedi. Jańa týǵan janýarlardy tekserý nátıjesinde patologııalyq ózgerister anyqtalǵan joq.
Gamaleıa atyndaǵy ǵylymı ortalyqtyń dırektory Aleksandr Gıntsbýrg «Spýtnık V vaktsınasyn qabyldaǵandardan alynǵan sarysý Sovid-19 vırýsynyń ártúrli genetıkalyq ózgertilgen shtamdaryna tıimdiligi boıynsha zertteletinin jetkizdi. Zertteý jumystary Italııadaǵy jetekshi eýropalyq Mıkrobıologııa jáne pýlmonologııa ınstıtýtynda ótedi dep josparlanýda.
Gıntsbýrgtiń aıtýynsha, bul jańa shtamdardyń paıda bolýyna baılanysty koronavırýsqa qarsy vaktsınatsııa merzimine túzetýler engizýge qatysty suraqqa ǵylymı jaýap bolady.
