Júkti áıel perzenthanaǵa jete almaı, lıftide bosandy
ASTANA. QazAqparat - Qytaı dárigerleri júkti áıeldi lıftiniń ishinde bosandyryp aldy. Aýrýhana mamandarynyń aıtýynsha, qazir balanyń densaýlyǵy jaqsy jáne onyń ómirine eshqandaı qaýip joq.
Qytaıdyń Venshan okrýginde júkti áıel qalalyq aýrýhananyń perzenthana bólimine lıftimen kóterilip bara jatyp, kenetten tolǵaǵy qysqan. Sóıtip, jedelsatynyń ishinde bosana bastaǵan. Oqıǵa vıdeobaqylaý kamerasyna túsip qalǵan. Kadrdan lıftiniń operatory ony toqtatyp, barlyq jolaýshylardy syrtqa shyǵaryp jatqanyn kórýge bolady, dep habarlaıdy Mirror.
Áıeldi perzenthana palatasyna jetkizý kesh bolǵandyqtan, dárigerler ony lıftiniń ishinde bosandyrý týraly sheshim qabyldaǵan. Sábı jaryq dúnıege kelgennen keıin, medıtsına mamandary onyń kindigin kespeı, anasymen birge zembilmen palataǵa jetkizgen. Balanyń densaýlyǵy jaqsy ári onyń ómirine eshqandaı qaýip joq.
