Júkti áıel óziniń úsh balasyn sýǵa batyrmaq boldy
ASTANA. QazAqparat - AQSh-tyń 32 jasar azamatshasy óziniń 3, 9 jáne 10 jastaǵy úsh balasyn óltirýge árkettendi dep aıyptalýda. Belgili bolǵandaı, álgi áıel tórtinshi balasyna júkti bolǵan.
32 jasar Ebona Ýılkerson balalarynyń ákesimen urysyp qalǵannan keıin, ózimen birge jetkinshekterin de sýǵa batyrýǵa bel býǵan. Ol Atlant muhıtynyń jaǵalaýyndaǵy tas joldan burylyp, kólikti joǵary jyldamdyqta sýǵa qaraı baǵyttaǵan. Sonymen qatar, áıel osy áreketiniń aldynda mashınanyń esikterin qulyptap, balalaryna «kózderińdi jumyp, uıyqtańdar» dep buıryq bergen kórinedi.
Abyroı bolǵanda kólik sý jaǵalaýyndaǵy qumǵa batyp qalǵan. Balalardyń qutqarýǵa shaqyrǵan aıqaıyn estigen jaqynda júrgen adamdar oqıǵa ornyna jedel jetken. Kýágerlerdiń aıtýynsha, atalǵan áıel balalaryn kólikten shyǵarýǵa talpynǵan polıtsııa qyzmetkerlerine qarsylyq kórsetken eken.
Qazir ol áıeldi jergilikti quqyq qorǵaý organdary qamaýǵa aldy, dep jazady sheteldik BAQ.
