Júkti áıel Obamanyń kesirinen jolda bosandy
ASTANA. QazAqparat - AQSh-ta júkti áıel prezıdent Barak Obamanyń kortedji ótýine baılanysty qozǵalys ýaqytsha shektelgen kóshede perzenthanaǵa jete almaı jolda bosandy, dep jazady RIA Novostı jergilikti «WLKY» portalyna silteme jasaı otyryp.
Bul oqıǵa beısenbi kúni Kentýkkı shtaty Lýısvıll qalasynda bolǵan. Prezıdenttiń kelýine baılanysty atalǵan qaladaǵy birqatar kóshede kólik qozǵalysy ýaqytsha shektelgen.
Jedel járdem qyzmetine jergilikti ýaqyt boıynsha saǵat 17:15-te habarlama túskenimen, dárigerler tolǵaǵy kelgen áıelge kóshelerdegi qozǵalystyń shektelýine baılanysty jete almaǵan.
«Obamanyń korteji júkti áıelge emhanaǵa jetýge bóget boldy. Áıeldi kepteliste turyp qalǵan medbıke bosandyrdy. Dúnıege deni saý ul bala kelip, kóp uzamaı anasy men balasy aýrýhanaǵa jetkizildi», delingen aqparatta.
