Júksalǵyshta adam tasyǵandar sottalyp jatyr - Almaty oblysy
TALDYQORǴAN. QazAqparat - Almaty oblysynda er azamatty soqqyǵa jyǵyp, kóliktiń júk salǵyshynda tasyǵandardyń soty ótip jatyr, dep habarlaıdy QazAqparat tilshisi.
Qazir 4 jigit QR QK eki baby boıynsha aıyptalýda. Búgin qaralǵan iste kýágerlerdiń jaýaby tyńdaldy. Al protsess Qapshaǵaı qalalyq sotynda ótýde.
«2017 jyldyń 14 tamyzynda N.J, S.N, S.D. úsheýi aldyn ala sóz baılasqan. Ol S. A esimdi azamattyń urlaǵan zattaryn óz kúshterimen qaıtarý maqsatymen Qapshaǵaı qalasyndaǵy «Flamıngo» oıynhanasy mańynan jábirlenýshini ustap alyp, soqqyǵa jyqqan. Artynsha soqqyǵa jyǵylǵan azamatty E. K. tizgindegen «Daewoo Nexia» kóliginiń júk salǵyshyna salǵan. Osy faktige baılanysty kúdiktiler QR QK 389 baby, 3-shi bóligi jáne 125 babynyń 2-shi bóligi, 1-shi tarmaǵy boıynsha aıyptalýda», - dedi oblystyq sottyń baspasóz qyzmeti.
Esterińizge sala keteıik, 2017 jyldyń tamyz aıynyń 14-nen 15-ne qaraǵan túni bolǵan oqıǵa jaıly habarlaǵan bolatynbyz.
