Juqpaly aýrýlar statsıonarlary birneshe deńgeıge bólinedi - Alekseı Tsoı

NUR-SULTAN. QazAqparat - Juqpaly aýrýhanalar eki deńgeıli aǵynǵa bólinedi. Bul týraly Densaýlyq saqtaý mınıstri Alekseı Tsoı málimdedi, dep habarlaıdy QazAqparat tilshisi.

«Endi biz densaýlyq saqtaý uıymdarynyń qurylymyn qaıta qarastyramyz. Karantındik aýrýhanalar bolmaıdy, óıtkeni olar jatyp emdelýge baǵyttalǵan. Aldaǵy aptada provızorlyq jáne juqpaly statsıonarlar jaqyn arada birinshi jáne ekinshi deńgeıli aǵymdaǵy dep bólinetin juqpaly aýrýlar statsıonary bolyp aýysady. Birinshi deńgeı - juqpaly aýrýlar aýrýhanalary, onda jasandy tynys alý apparatynyń sany artady jáne ınfektsııalyq aýrýlardy emdeıtin negizgi mamandar sonda bolady. Ekinshi deńgeı - salystyrmaly túrde aýrýdyń jeńil túrin emdeıtin klınıka bolady», - deıdi Alekseı Tsoı.

Onyń aıtýynsha, test oń nátıje kórsetken naýqastar men osyǵan uqsas dıagnozy bar naýqastar ártúrli qabatta jatady.

«Joǵary qabattarda Covid-19 rastalǵan naýqastar jatsa, astyńǵy qabattarda pnevmonııamen jatqan naýqastar aýrý deńgeıine qaraı bólinip jatady»,- deıdi ol.