Júkembaev pen Qusaıynovtyń kezekti aıqastary ótetin kún belgili boldy
ASTANA. QazAqparat - Qazaqstandyq kásipqoı boksshylar Batyr Júkembaev (8-0, 7 KO) pen Abylaıhan Qusaıynovtyń (5-0, 4 KO) kezekti aıqastary ótetin kún belgili boldy, dep habarlaıdy QazAqparat tilshisi.
Otandastarymyz ózderiniń kelesi jekpe-jekterin 6 sáýir kúni Kanadanyń Kvebek qalasynda ótkizbek. Jarysqa shyǵatyn kúnderi jaqyndap qalsa da, ázirge qarsylastarynyń esimderi belgisiz.
Bul kúni Batyr Júkembaev 10 raýndtyq jekpe-jekte óner kórsetse, Abylaıhan Qusaıynov 6 raýndtyq kezdesý ótkizedi.
Esterińizge sala keteıik, osyǵan deıin qos boksshymyz 28 qańtar kúni jekpe-jek ótkizip, ekeýi de qarsylastaryn tehnıkalyq nokaýtpen utqan bolatyn .
