Juqa muz qaýipti: ShQO qutqarýshylary ózen-kólderge 650 reıd júrgizdi
ÓSKEMEN. KAZINFORM – Shyǵys Qazaqstan oblysynń qutqarýshylary «Abaılańyz, juqa muz!» atty qaýipsizdik aktsııasyn ótkizýde.
Oblystyq Tótenshe jaǵdaılar departamenti baspasóz qyzmetiniń málimetine súıensek, qazir ortasha táýliktik temperatýra nólden joǵary deńgeıge jetip, muz qarqyndy jyldamdyqpen erip jatyr. Osyǵan oraı qutqarýshylar reıdke shyqty.
«Jyl saıyn bul ýaqytta balyqshylar men balalardyń jazataıym oqıǵaǵa ushyraý qaýpi artady. Biz qaýipsizdik reıdterin jandandyryp, azamattarǵa balyq aýlaý úshin óz ómirlerine qaýip tóndirmeý kerektigin túsindirip jatyrmyz. Barlyǵy bıyl 650 aldyn alý reıdi ótkizilip, 4200 azamat qamtylǵan», - deıdi ShQO TJD bastyǵynyń orynbasary Qýatbek Kenjebekuly.
Onyń aıtýynsha, ata-analar qaýipsizdik sharalaryn buzbaýy jáne balalary sý qoımalarynda oınamaýy úshin olarǵa jiti túsindirýi tıis.
