Júk vagonyndaǵy órt: 11 jasar bala men ákesi sanavıatsııamen Aqtaýǵa jetkizildi
Beıneý aýdandyq ortalyq aýrýhanasynyń bas dárigeriniń mindetin atqarýshy Ásııa Shontybaevanyń aıtýynsha, er adamnyń denesiniń 45 paıyzyn kúıik shalǵan. Al, balanyń denesiniń 60 paıyzy jaraqattanǵan.
«Sanavıatsııa dárigerleri Beıneýge keldi. Mamandarmen konsılıým ótti. Nátıjesinde denesiniń 45 paıyzyn kúıik shalǵan er adam men denesiniń 60 paıyzy jaraqattanǵan 11 jastaǵy balany Aqtaýǵa alyp ketti. Al, denesiniń 80 paıyzy janyp ketken Qazposhta jolseriginiń jaǵdaıy óte aýyr bolǵandyqtan, tasymaldaýǵa jaramaıdy. Ol aýdandyq aýrýhananyń jansaqtaý bóliminde qaldyryldy. Dárigerlerdiń jiti baqylaýynda bolady. Onymen birge jaralanǵan taǵy eki naýqas ta ázirshe aýdandyq aýrýhanada emdeledi. Erteń sanavıatsııa taǵy kelip, dárigerlerdiń sheshiminen soń alyp ketýi múmkin», - dedi ol.
Aıta keteıik, búgin tańǵy saǵat 04.30-da Mańǵystaý oblysynyń Beıneý aýdanynyń aýmaǵynda № 109 «Mańǵyshlaq-Aqtóbe» jolaýshylar poıyzyna tirkelgen júk vagony órtendi.
QR Tótenshe jaǵdaılar mınıstrliginiń málimetinshe, júk vagonynda gaz ballony jarylǵan. Saldarynan 5 adamdy kúıik shaldy – eki jolserik, bir ınkassator, bir Qazposhta qyzmetkeri jáne on jasar bala. Olardyń barlyǵy júk vagonynda boldy.
«Balanyń júk vagonynda qaıdan júrgenin biz aıta almaımyz, bul suraqty «Qazaqstan temir joly» kompanııasyna qoıýy kerek. Biz óz tarapymyzdan balanyń bolǵanyn rastaımyz, Qazposhta qyzmetkeri 10 jasar balasyn ózimen birge alyp júrgen. Barlyǵy túrli dáreje kúıik alyp, Beıneý aýdandyq ortalyq aýrýhanasyna jatqyzyldy», - degen bolatyn QR TJM resmı ókili Talǵat Ýálı.