Júk tasyp bara jatqan qumyrsqanyń sýreti ǵylymı fotokonkýrsta jeńdi
ASTANA. Aqpannyń 22-si. QazAqparat - Salmaǵy ózinen 100 ese artyq júkti tasyp bara jatqan qumyrsqanyń fotosýreti brıtandyq Bıotehnologııalyq jáne bıologııalyq ǵylymı zertteýler keńesi uıymdastyrǵan fotokonkýrstyń jeńimpazy atandy,
dep habarlaıdy ITAR-TASS agenttigi.
Fotosýrettiń avtory - Kembrıdj ýnıversıtetiniń zoologııalyq ǵylymdar doktory Tomas Endleın. Salmaǵy 5 mıllıgramdy quraıtyn qumyrsqanyń 500 mıllıgram temirdi ustap turǵan sátin sýretke túsirip alǵan ǵalym bul týyndysy úshin 700 fýnt sterlıng syılyq aldy.
Sýrette, qumyrsqaǵa salmaǵy ózinen birneshe ese artyq júkti tasýǵa múmkindik beretin onyń aıaqtaryndaǵy arnaıy jastyqshalardyń qalaı ózgeretini kórsetilgen. Ǵalymnyń aıtýynsha, osy jastyqshalar jándikterge kez-kelgen nársege jabysyp qalýǵa múmkindik beretin kórinedi. Qumyrsqanyń osynaý qasıetterin zertteı otyryp, ǵalymdar jelimniń erekshe túrin jasaýǵa nıetti.
