Júk tasymaldaýshylar biryńǵaı kedendik odaq qurý bastamasyn qoldaıdy - Elbasyǵa túsken hattardan

Búgin Elbasy Nursultan Nazarbaevtyń tikeleı efır arqyly halyqpen tildesýine oraı Astanada jumys istep jatqan Baılanys ortalyǵyna habarlasqan Aqtóbe qalasynyń bir top júk tasymaldaýshy azamattary osylaı aıtty, dep habarlaıdy QazAqparat. «Biz Reseı men Belarýs sııaqty eldermen ortaq kedendik odaqqa kirgenimizge óte kýanyshtymyz. Burynǵydaı shekarada tórt-bes kún jatpaıtyn boldyq. Osy úshin Elbasyǵa myń da bir alǵysymyzdy aıtamyz!», deıdi olar. Óz attaryn qupııada saqtaýdy suraǵan júk tasymaldaýshylar búginde kóliktik ınspektsııanyń zańsyz áreketterine narazylyq bildirip, shekarada turatyn ınspektsııa qyzmetkerleriniń aqshaǵa ábden qunyǵyp alǵandary týraly aıtyp otyr. «Shekaradan ótý úshin 10-15 myń teńge alady, tipti máshıne bos kele jatsa da, kem degende, 5 myń teńgeni qaldyryp ketýdi talap etedi. Bermeseń, júz myńnan astam aıyppul jazyp beremiz dep qorqytady», - deıdi olar.