Júk tasymalyna baqylaý kúsheıtildi
ASTANA. KAZINFORM — Memleket basshysynyń Qazaqstan halqyna Joldaýynda avtomobıl joldarynyń sapasyn arttyrý jáne eldiń tranzıttik áleýetin nyǵaıtý jóninde bergen tapsyrmalaryn iske asyrý aıasynda Kólik mınıstrligi iri kólemdi jáne aýyr salmaqty avtokólik quraldarynyń qozǵalysyna baqylaýdy kúsheıtkenin habarlady.
Baqylaý is-sharalary eldiń «Batys Eýropa – Batys Qytaı», «Astana – Petropavl», «Omby – Pavlodar – Semeı – Maıqapshaǵaı» jáne «Qyzylorda – Jezqazǵan» sııaqty negizgi kólik dálizderi men avtomobıl joldarynda júrgizilip jatyr.
Ruqsat etilgen salmaq parametrlerinen asyp túsetin júk tasymalynyń jolyn kesýge erekshe nazar aýdarylady. Óıtkeni kólik quraldarynyń shamadan tys júktelýi jol tóseminiń buzylýyn jedeldetip, jol qozǵalysyna qatysýshylardyń qaýipsizdigine qater tóndiredi.
Sonymen qatar mınıstrlik Qazaqstan Respýblıkasy Quryltaıynyń depýtattarymen birlesip, ruqsat etilgen salmaq parametrlerinen asyp ketkeni úshin jaýapkershilikti kúsheıtý jáne aýyr salmaqty avtokólik quraldaryn baqylaý tetikterin jetildirý boıynsha zańnamalyq sharalardy qarastyryp jatyr.
- Avtomobıl joldarynyń saqtalýyn qamtamasyz etý maqsatynda kóliktik baqylaýdy kúsheıtý jáne zańnamany jetildirý jónindegi jumystar jalǵasatyn bolady, - delingen mınıstrlik habarlamasynda.
Aıta keteıik, Qazaqstannyń júk tasymaldaıtyn alǵashqy Airbus ushaǵy qarashada jetkiziledi.
