Júk tasymaldaýǵa Qazaqstan temir jolynyń qýaty jetpeı jatyr

ASTANA. KAZINFORM — Kólik mınıstri Marat Qarabaev «Qazaqstan temir joly» kompanııasy tasymaldaý kezinde qandaı júkke basymdyq beretinin aıtty.

«Qazirgi ýaqytta Qazaqstan temir joly kompanııasynyń júk tasymaldaýǵa qýaty jetpeı jatyr. Jyldan-jylǵa júktiń kólemi de, aınalymy da artyp keledi. Mysaly, byltyr júk kólemi rekordtyq 297 mln tonnaǵa jetti. Júk aınalymy da 7 paıyzǵa ósti. Buryn qýaty jetip turǵan kezde tasymaldanatyn júktiń 20 paıyzy negizgi jospar boıynsha kelisiletin. ıAǵnı, aıdyń basynda, qalǵan 80 paıyzy aıdyń sońynda qosymsha kelisiletin edi. Al qazir qýat jetpegen soń bárin negizgi jospar boıynsha kelisimge aýystyrdyq», — dedi mınıstr Senattyń jalpy otyrysynda depýtattardyń saýalyna oraı.

Onyń atap ótýinshe, qazirgi ýaqyttaı ár aıdyń 14-ine deıin tasymaldanatyn júktiń 80 paıyzy negizgi jospar boıynsha kelisilip otyrady. 

«Byltyr 164 mln tonna ishki júkti tasymaldaýǵa kelisim berilgen. ıAǵnı, ishki júk tasamaldaýǵa basymdyq berilip otyr. Ekinshi — otandyq óndirýshilerdiń eksporttqa jóneltetin taýarlary. Bul — 85 mln tonna, ıaǵnı 9 paıyzǵa artyp otyr. Úshinshi, tranzıttik júkke basymdyq beriledi. Ol 18 paıyzǵa artyp, 27 mln tonnaǵa jetti. Odan keıin ımport júgine basymdyq jasalady», — dedi Marat Qarabaev.