Júk poıyzynyń mashınısi dalada jalǵyz júrgen tórt jasar balany qutqaryp qaldy
ASTANA. KAZINFORM — Mashınıst temirjol boıynda jalǵyz júrgen tórt jasar balany baıqap, poıyzdy toqtatqan. Oqıǵa 20 qyrkúıekte Saryózek–Úshtóbe ýchaskesindegi Taýarasy–Aınabulaq aralyǵynda bolǵan. Bul týraly «Qazaqstan temir joly» UK» AQ baspasóz qyzmeti málim etti.
20 qyrkúıekte saǵat 12:30-da Saryózek – Úshtóbe ýchaskesiniń Taýarasy – Aınabulaq aralyǵynda qozǵalystaǵy júk poıyzynyń mashınısi temirjol tósemi janynan Aınabulaq stantsııasyna jalǵyz baǵyt alǵan daladaǵy tórt jasar balany baıqap qalǵan.
— Shamamen 38 km/saǵ jyldamdyqpen mashınıst qyzmettik tejeýdi qoldanyp, poıyzdy toqtatyp, balany lokomotıv kabınasyna mingizip aldy. Bul týraly ol poıyz dıspetcherine habarlady, — delingen habarlamada.
Balany ata-anasymen baılanysqan Aınabulaq stantsııasynyń kezekshisine tapsyrdy.
Aıta keteıik, Jambyl oblysynda jylqysyn poıyz qaqqan turǵyn 531 myń teńge ótemaqy tóleıdi.
