Júk kóliginiń júrgizýshisi avtomobıl rýlinde esinen tanyp qalǵan adamdy qutqardy
ASTANA. QazAqparat - Norfolkten shyqqan kúre joldardyń birinde júk kóligi men ózge de avtomobıl júrgizýshileri rýlde esinen tanyp qalǵan er adamdy qutqardy.
Bul sát osy jolmen ketip bara jatqan bir mashınanyń vıdeotirkegishine túsip qalǵan.
Norfolkte, Derhemniń mańynda A47 trassasymen kele jatqan Rassel Dagless fýrgon rýlindegi er adamnyń esinen tanǵanyn kórip qalǵan. Beınejazbadan onyń basqarýsyz qalǵan mashınasynyń jyldamdyǵyn báseńdetpek bolyp, rýlge etpetteı jabysqany kórinip tur.
Óz ómirin qaýipke tikken Dagless beıtanys jandy ajaldan arashalap qaldy. Ózge avtomobılderden da adamdar júgire shyǵyp kómektesti.
Álgi adamnyń aıaq astynan qysymy kóterilip, esinen tanǵany anyqtaldy. Onyń baqytyna oraı kómek qolyn sozǵan jandardyń ishinde órt sóndirýshi men feldsher bar bolyp shyqty. Olar alǵashqy medıtsınalyq járdem kórsetti.
