Júk kóligin ala taıaqpen toqtatqan qyzmetkerdiń áreketi zańdy - OQO
ShYMKENT. QazAqparat - Ońtústik Qazaqstan oblysynda júk kólikterin ala taıaqpen toqtatqan qyzmetkerdiń is-áreketine qatysty kóliktik baqylaý basqarmasy túsinik berdi, dep habarlaıdy QazAqparat HAA tilshisi.
Atalmysh basqarma basshysynyń orynbasary Oleg Petýhovtyń aıtýynsha, álgi qyzmetker ózine júktelgen mindetti atqarǵan. ıAǵnı, ol kólikterdiń shamadan tys júk artqanyn anyqtaý úshin qolyndaǵy ala taıaqpen qos mashınany toqtatqan.
"Bul úshin bizge eshkim tyıym salǵan joq. Ala taıaqpen júk kólikterin toqtatpaý týraly zań shyqpady. Al, 1 qańtardan bastap kúshine engen zań ol ishki ister mınıstrliginiń qyzmetkerlerine qatysty. Sondyqtan, kóliktik baqylaý basqarmasynyń qyzmetkerleri aýyr júk kólikterin toqtatýǵa quqyly",-deıdi O.Petýhov.
Eske salaıyq, áleýmettik jelilerde jergilikti turǵyn OQO, Saıram aýdany, Aqsýkent aýylynda eki júk kóligin ala taıaqpen toqtatyp onyń júrgizýshisimen sóılesip turǵan qyzmetkerdiń vıdeosy jarııalanǵan edi. Keıinen onyń kóliktik baqylaý basqarmasynyń ókili ekeni anyqtaldy.
Almas Sultan
