Júk kóligi jolda turǵan patrýldik mashınaǵa soǵylyp, 2 polıtseı kóz jumdy
NUR-SULTAN. QazAqparat –Almaty-Qorǵas tasjolyndaǵy kólik apatynan úsh adam kóz jumdy, onyń ekeýi polıtsııa qyzmetkeri. Bul týraly QazAqparat «QazaqAvtoJol» UK» AQ baspasóz hatshysy Marjan Ordabaıǵa silteme jasap habarlaıdy.
«Aldyn ala taratylǵan aqparatqa qaraǵanda, Almaty-Qorǵas tasjolynda MAN markaly júk kóliginiń júrgizýshisi kólikti basqara almaı, qarsy baǵytqa shyǵyp ketken. Oqıǵa ornyna jol polıtsııasynyń qyzmetkerleri kelip, jaǵdaıdy anyqtaı bastaǵan. Osy kezde toqtap turǵan patrýldik mashınaǵa joldan ótip bara jatqan taǵy bir júk kóligi soǵylǵan. Saldarynan patrýldik kólikte bolǵan eki polıtseı men birinshi júk kóleginiń júrgizýshisi kóz jumdy» - dep jazdy Marjan Ordabaı jelide.
