Júk kóligi qaqqan áıel oqıǵa ornynda kóz jumdy
ALMATY. QazAqparat —Almatyda júk kóligi qaqqan áıel oqıǵa ornynda kóz jumdy, dep habarlaıdy QazAqparat tilshisi.
Qazir sotqa deıingi tergeý júrgizilýde.
Polıtsııa departamenti baspasóz qyzmetiniń málimeti boıynsha jol apaty 8 naýryzda saǵat 15:10 Saın jáne Shalıapın kósheleriniń qıylysynda bolǵan.
«1989 jyly týǵan júrgizýshi KamAz júk kóligimen Shalıapın kóshesimen shyǵysqa baǵyt alǵan. Saın kóshesindegi 24-shi úıge qarama-qarsy jerde 55-60 jas shamasyndaǵy áıeldi qaǵyp ketti. Jol oqıǵasy saldarynan jaıaý júrginshi oqıǵa ornynda qaıtys boldy»,-dedi mamandar.
Atalǵan fakt boıynsha QR QK 345-babymen (jol erejesin buzý, abaısyzda adam ólimin bolyrý) sotqa deıingi tergeý júrgizilip jatyr. Sondaı-aq, tıisti saraptamalar taǵaıyndalǵan.
