Júk kóligi Almatynyń shaǵyn kóshesin qıratyp ketti
ALMATY. QazAqparat - Almatydaǵy shaǵyn aýdandardyń birinde júk kóligi qorshaýlar men baǵanalardy qıratyp ketti, dep habarlaıdy QazAqparat tilshisi.
Jol apaty Qarǵaly shaǵyn aýdanyndaǵy Qasymtájıev kóshesinde bolǵan. KamAZ soltústik baǵytta ketip bara jatqan. Rýlge ıe bola almaı qalǵan júrgizýshi birneshe elektr baǵanyn qulatyp, plıtalardy qıratyp, birneshe úıdiń qorshaýyn buzǵan. Sonymen qatar júk kóligi sol baǵyttaǵy Mazda kóligin de soǵyp ótken. Keıin beton baǵanaǵa tirelip toqtaǵan.
Saldarynan eki kóliktiń de júrgizýshisi zardap shekti. Júk kóliginiń tejegishi isten shyǵýy múmkin degen boljam bar. Qazir oqıǵa ornynda polıtseıler jumys istep jatyr.
