Jýyqta alǵashqy AES qurylysy týraly kelisimderge qol qoıamyz — Oljas Bektenov

ASTANA. KAZINFORM — Premer-mınıstr Oljas Bektenov Úkimettiń keńeıtilgen otyrysynda elde salynýy múmkin ekinshi jáne úshinshi AES qurylysyna arnalǵan aýmaqtardy anyqtaý jumystary aıaqtalýǵa jaqyn ekenin aıtty.

— Kókshetaý, Semeı jáne Óskemen qalalarynda 3 Jylý elektr ortalyǵyn salý jobalaryn iske asyrý bastaldy. Olar 2032-shi jylǵa deıin kezeń-kezeńmen iske qosylady. Bıyl 166 Megavatt bý jáne gıdrogeneratsııa, sondaı-aq Jańartylatyn energııa kózderi boıynsha 10 nysanda 450 MVt qýat paıdalanýǵa beriledi.
Jel energııasy stantsııalarynyń negizgi komponentterin shyǵaratyn zaýyt qurylysy bastaldy, — dedi Oljas Bektenov.

Úkimet basshysy AES qurylysyna da toqtaldy.

— Batys Qazaqstannyń elektr jelilerin biryńǵaı energııa júıesine qosý boıynsha jobalaý jumystary júrgizilýde. Jaqyn arada Almaty oblysynda birinshi Atom elektr stantsııasyn salý boıynsha tıisti kelisimderge qol qoıamyz. Sondaı-aq ekinshi jáne úshinshi Atom elektr stantsııasy qurylysynyń yqtımal oryndaryn anyqtaý úshin óńirlerdi taldaý jumystary aıaqtalýǵa jaqyn, — dedi Premer-mınıstr.

Aıta keteıik, elordada Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy ótip jatyr.