Júgirý, pikirtalas jáne erkin formattaǵy áńgime: Eldegi saılaýaldy doda qalaı ótip jatyr

«Ádilet» óńirlik saparyn jalǵastyrýda: basty nazarda — aýyldy damytý jáne ádiletti qoǵam

«Ádilet» partııasynyń ókilderi «Ádiletti Qazaqstan úshin» mobıldi kerýeni aıasynda óńir turǵyndarymen kezdesýlerin jalǵastyrdy. Bul joly partııa ókilderi Soltústik Qazaqstan oblysyna baryp, aýyl turǵyndarymen júzdesip, eldi mekenderdegi eń ózekti máselelerdi talqylady. Kezdesýler qorytyndysynda turǵyndar aýyldyq aýmaqtardy damytýǵa qatysty 100-ge jýyq usynys aıtty.

Sportshylarmen, eńbek ujymdarymen jáne týrızm salasynyń ókilderimen ótken kezdesýlerde parasportshylardy qoldaý, balalar jáne buqaralyq sportty damytý, sport nysandaryn salý, aýyl jattyqtyrýshylaryna grant bólý, sondaı-aq ArtSport jáne Damubala baǵdarlamalaryn qarjylandyrý máseleleri kóterildi.

«NOVOPEK» kásipornynda partııa ókilderi otandyq óndiristi damytý, kásipkerlikti qoldaý jáne ınvestıtsııa tartý josparlaryna toqtaldy. Sondaı-aq ekonomıkadaǵy orta bıznestiń úlesin qazirgi 7%-dan 20%-ǵa deıin arttyrý kózdelip otyrǵanyn málimdedi.

Býrabaı aýdanynda týrızmdi damytý máseleleri talqylandy. Atap aıtqanda, ınfraqurylymdy jańǵyrtý, balalardyń saýyqtyrý ortalyqtaryn qoldaý, ekotýrızm men agrotýrızmdi órkendetý, otbasylyq qonaqúıler men jergilikti óndirýshilerge qoldaý kórsetý jaıy sóz boldy. «Taza Qazaqstan» baǵdarlamasy aıasynda tabıǵatty qorǵaý máselesine de erekshe nazar aýdaryldy.

OSDP-nyń azamattyq tyńdaýy: TKSh reformasynan kıberalaıaqtyqpen kúreske deıin

Іs-sharaǵa qala turǵyndary, turǵyn úı-kommýnaldyq sharýashylyq salasynyń, qoǵamdyq uıymdar men eńbek ujymdarynyń ókilderi qatysty.

Talqylaýdyń ózegine qaraǵandylyqtardy kúndelikti tolǵandyratyn máseleler arqaý boldy. Atap aıtqanda, kommýnaldyq salanyń jumysy, kıberalaıaqtyqtyń kóbeıýi jáne ónerkásiptik óńirdegi ekologııalyq ahýal sóz boldy.

Kandıdattar usynǵan bastamalardyń qatarynda tarıfter, kúrdeli jóndeý jáne turǵyndardyń quqyqtaryn qorǵaý máselelerimen aınalysatyn TKSh jáne MIB boıynsha jeke palata qurý bar. Sonymen qatar ınternet-alaıaqtyqpen kúres sharalaryn kúsheıtý jáne aýa men sýdyń jaı-kúıi týraly málimetterge ashyq qoljetimdilikti qamtamasyz etý usynyldy.

Partııa ókilderi Qaraǵandy turǵyndarymen de kezdesip, laıyqty eńbek jaǵdaıy, qala ınfraqurylymyn damytý, qoǵamdyq keńistikterdi abattandyrý jáne halyqtyń ómir súrý sapasyn arttyrý máselelerin talqylady.

«Baıtaq» partııasy ekologııalyq baǵytty jalǵastyryp jatyr

«Baıtaq» jasyldar partııasy ekologııalyq bastamalaryn ilgeriletýdi jalǵastyryp, saılaýaldy naýqanyn tańǵy marafonnan bastady.
Partııa uıymdastyrǵan marafonnyń alǵashqy aıaldamasy Aral boldy. Ekologııalyq qozǵalys belsendileri tabıǵat aldyndaǵy jaýapkershilikti basty ustanym retinde alǵa tartyp otyr.

Kelesi qadam — «Bıik maqsat — myqty komanda» atty aktsııanyń bastalýy. Quryltaı depýtattyǵyna kandıdat Ulan Musaev pen onyń pikirlesteri taza Qazaqstan jolyndaǵy ortaq maqsat tóńireginde bas qosty.

Úgit-nasıhat kezeńinde «Baıtaq» partııasy taza aýa men sýdyń mańyzyn, sondaı-aq adam densaýlyǵyna qolaıly qorshaǵan ortany saqtaýdy nasıhattaýǵa basymdyq berip otyr.

Qazaqstan Halyq partııasynyń basymdyqtary

Qazaqstan Halyq partııasynyń ókilderi spina bifida dıagnozy bar balalardy tárbıelep otyrǵan otbasylardyń máselelerine nazar aýdardy. Kandıdattar Bolat Smaǵulov, Ilıas Bolatovıch jáne Vıktor Podnebesnyı «Spina Bifida» qoǵamdyq qorynyń ókilderimen kezdesti.

Ata-analar kúndelikti kezdesetin qıyndyqtary týraly aıtyp berdi. Olardyń qatarynda medıtsınalyq kómek pen ońaltý qyzmetterin alý, qajetti tehnıkalyq quraldarmen qamtamasyz etilý jáne áleýmettik qoldaýǵa qol jetkizý máseleleri bar.

Kezdesý barysynda taraptar balalar men olardyń otbasylarynyń ómir súrý sapasyn jaqsartýǵa múmkindik beretin júıeli sheshimderdi talqylady.

Fermerler, jastar jáne qymyz: «Aýyl» partııasy aýyl turǵyndaryn nesimen tańǵaldyrdy?

«Aýyl» partııasy aýyl turǵyndarymen tikeleı dıalogty jalǵastyrýda. Bul joly partııa tóraǵasy Qalıjan Aıtýǵanov Quryltaı depýtattyǵyna kandıdattarmen birge Aqmola oblysyndaǵy Úlgi aýylynyń turǵyndarymen kezdesti.

Partııa ókilderi saılaýaldy baǵdarlamasyn tanystyryp, fermerlerdi qoldaýǵa, agroónerkásip keshenin damytýǵa, zamanaýı tehnologııalardy engizýge jáne jastar úshin jańa múmkindikter jasaýǵa basymdyq berdi.

Sondaı-aq jeke qosalqy sharýashylyqtardy damytýǵa jáne aýyldyq otbasylardyń tabysyn arttyrýǵa baǵyttalǵan «Qus: aýladan dastarqanǵa deıin» jobasyna erekshe nazar aýdaryldy.

Óz kezeginde aýyl turǵyndary joldardy jóndeý, áleýmettik ınfraqurylymdy damytý, memlekettik qoldaý jáne jumyspen qamtý máselelerin kóterdi.

«Aq jol» saılaýaldy naýqanyn podkast, velosherý jáne saılaýshylarmen kezdesýler arqyly jalǵastyryp jatyr

«Aq jol» demokratııalyq partııasy saılaýaldy jumysyn birden birneshe formatta jalǵastyryp jatyr. Partııa Quryltaı depýtattyǵyna kandıdattardyń qatysýymen ótetin podkasttar serııasyn jarııalady. Alǵashqy qonaq — ıÝrıı Lı. Ol qarjylyq qaýipsizdik, mıkrokredıtteý jáne alaıaqtyqpen kúres máselelerin talqylaıdy.

Sonymen qatar dene shynyqtyrý pániniń muǵalimi A. Aıbolatovtyń velosherýi jalǵasýda. Batys Qazaqstan oblysynyń týmasy ári «Aq joldy» qoldaýshy azamat turǵyndardyń amanat-tilekterin arqalap, Astanaǵa bet alǵan. Qazir ol Aqtóbe oblysynyń Qobda aýdanyna jetti.

Al partııa atynan Quryltaı depýtattyǵyna kandıdat Andreı Lınnık Almatydan Jambyl oblysynyń Merki aýylyna velosıpedpen jolǵa shyqty. Onda ol saılaýaldy shtabtyń saılaýshylarmen kezdesýlerine qatysady.

Mańǵystaý oblysyndaǵy partııanyń saılaýaldy shtaby da erekshe aktsııa uıymdastyrdy. Shtab ókilderi Qazaqstannyń Memlekettik týy men «Aq jol» partııasynyń týyn kóterip, ashyq teńizge shyqty. Partııa bul bastamany alǵa nyq qadam basýdyń, kásipkerlikti qoldaýdyń, ádiletti ekonomıka qurýdyń jáne el úshin jańa múmkindikterge jol ashýdyń sımvoly dep atady.

Respublica kásipkerlermen kezdesýde tórt kúndik jumys aptasyna qatysty usynysty synǵa aldy

Respublica partııasy saıası qarsylastarynyń bastamalaryna qatysty ustanymyn ashyq bildirýdi jalǵastyrýda. Bul joly OSDP-nyń tórt kúndik jumys aptasyna kóshý týraly usynysy synǵa ilikti.

Almatyda kásipkerlermen ótken bıznes-kezdesýde Respublica partııasynan Quryltaı depýtattyǵyna kandıdat Maqsat Kıkımov mundaı bastama jumys berýshiler úshin týyndaıtyn ekonomıkalyq saldardy eskermeıtinin málimdedi.

Onyń aıtýynsha, jumys ýaqyty qysqarǵan jaǵdaıda jalaqyny burynǵy deńgeıde saqtaý usynylyp otyr, alaıda bıznestiń qosymsha shyǵyndaryn kim jáne qalaı óteıtini túsindirilmegen.

Kezdesý kásipkerlermen ashyq dıalog formatynda ótti. Jıyn barysynda bıznesti damytý máselelerimen qatar, kásipkerlerdiń jumysyna kedergi keltiretin qoldanystaǵy tosqaýyldar da talqylandy.