Júgirip júrip qoqys jınaý: Astanada ploggıng damyp keledi
ASTANA. KAZINFORM — Elimizde «Taza Qazaqstan» aktsııasy qalaı júzege asyp jatyr? Senbilikterden bólek qandaı naqty jumystar qolǵa alynýda? Osy saýaldarǵa qorshaǵan ortany qorǵaý jáne tabıǵatty paıdalaný basqarmasynyń mamany Serik Qudaıbergenov jaýap berdi.
— Demalys kúni elordadaǵy senbilikke 150 myńǵa jýyq adam qatysty. Jalpy, jyl basynan beri respýblıka boıynsha 600-den astam ekologııalyq is-shara uıymdastyrylyp, oǵan 7 mıllıon adam úles qosqan. Osy ýaqyt ishinde 130 myń gektardan astam aýmaq tazartylyp, el boıynsha 1,3 mıllıon túp aǵash egildi. Senbilik barysynda saıabaqtar, skverler, ózen aıdyndary men turǵyn aýmaqtar tazalandy, — dedi ol Jibek Joly telearnasynyń «Búgin Live» baǵdarlamasynda.
Onyń aıtýynsha, «Taza Qazaqstan» aktsııasy aıasyndaǵy jumystar mádenıetti qalyptastyrýǵa baǵyttalǵan. Máselen, elordada ploggıng, ıaǵnı júgirip júrip qoqys jınaý sııaqty jańa ekologııalyq bastamalar keńinen taraı bastaǵan.
— Astanada jańa ekologııalyq trendter qoldanysqa enip jatyr. Budan bólek, «Jasyl damý» mekemesi qaldyqtardy bólek jınaýǵa úndep keledi. Plastık bólek, makýlatýra bólek konteınerlerge salynyp jatyr. Ótken jyldan bastap fandomattarornatyla bastady. Qurylǵy plastıkalyq ydystardy jınaýǵa arnalǵan, — dedi spıker.
Ekologııalyq mádenıetti qalyptastyrý jumystary jastar men balalardy da qamtyp otyr. Mektep oqýshylary men jastar eriktilik negizde tazalyq sharalaryna qatysyp, tabıǵatty qorǵaý bastamalaryna belsendi aralasýda.
— Jastarǵa arnalǵan «Ekosana» jobasy júıeli qoldaý taýyp jatyr. Jylyjaılar soǵylyp jatyr, onda jasóspirimderge qorshaǵan ortaǵa qurmetpen qaraý úıretiledi. Tipti, balabaqshalardyń ózinde osyndaı sharalar qolǵa alynǵan. Buǵan deıin Memleket basshysy «Taza Qazaqstan» jalpyulttyq sıpatqa ıe bolǵanyn atap ótken edi. Bastama qoǵamda jaýapkershilik qalyptastyrýǵa baǵyttalǵan. Osy maqsatta elimizde tazalyqtyń ulttyq standartyn ázirleý de usynyldy. ıAǵnı «Taza Qazaqstannyń» bir rettik aktsııa emes, kúndelikti ómir saltyna aınalatyn kúni jaqyn, — dedi ol.
Buǵan deıin sheteldikterdiń Qazaqstan qalalarynyń tazalyǵyna tańǵalǵanyn jazǵan edik.
