Júgirýden álem chempıony dopıng daýynan keıin sporttan shettetildi
NUR-SULTAN. QazAqparat – Jeńil atletıka federatsııalarynyń halyqaralyq qaýymdastyǵy (IAAF) dopıngke qarsy erejelerdi buzǵany úshin Belarýs sportshysy Marına Arzamasovany sporttan ýaqytsha shettetti, dep habarlaıdy QazAqparat.
Bul týraly IAAF-tyń dopıngke qarsy kúres jónindegi organy - Athletics Integrity Unit (AIU) baspasóz qyzmeti málimdegen.
31 jastaǵy sportshy tyıym salynǵan zatty qoldandy degen kúdikke iligip otyr.
Aıta keteıik, Arzamasova 2015 jyly 800 metrge júgirýden álem chempıony atanǵan, dál osy qashyqtyqta 2014 jyly Eýropanyń bas júldesin de jeńip alǵan.
