Júgeri, soıa, maqta: Toqaev aýyl sharýashylyǵyndaǵy tabysty jobalardy atady

ASTANA. KAZINFORM – Memleket basshysy Qasym-Jomart Toqaev aýyl sharýashylyǵy ónimderin tereń óńdeý isin damytýǵa basa mán berýdi tapsyrdy.

a
Foto: QR AShM

Prezıdent qazirdiń ózinde bul baǵytta tabysty jobalar bar ekenin atap ótti.

– Máselen, Qyzylorda oblysynyń sharýalary qatań klımatqa qaramastan júgeri men soıa ósirip, ony óńdeýmen aınalysady. Al Túrkistan oblysynda Qytaı kompanııasy sýdy tıimdi paıdalanatyn zamanaýı maqta-toqyma klasterin quryp jatyr. Úkimet osyndaı ozyq tájirıbelerdiń el aýmaǵynda keń taraýyna jaǵdaı jasap, ınvestorlarǵa ýaqytyly qoldaý kórsetýi kerek, – dedi Memleket basshysy Qazaqstan halqyna Joldaýynda.

Sonymen qatar mundaı zamanaýı tásilderdi mal sharýashylyǵynda da jan-jaqty paıdalanǵan durys.

Búginde Soltústik Qazaqstan oblysynyń tájirıbesin basshylyqqa ala otyryp, elimizde 71 taýar-sút fermasy iske qosyldy. Bul fermalarda jyl saıyn 462 myń tonnadan astam sút óndiriledi.

– Aqmola oblysynda sheteldiń ozyq tájirıbesine saı et klasteri qurylyp jatyr. Osyndaı jobalardy qoldaýǵa bolady, qajetti jaǵdaı da, qarajat ta bólý kerek, – dedi Qasym-Jomart Toqaev.

Buǵan deıin Prezıdent sharýalardy ınvestıtsııalaıtyn pármendi tásil engizýdi tapsyrǵan edi.

Ol Balqash AES qurylysyn keler jyly bastaýdy usyndy.

Sondaı-aq Q.Toqaev Qazaqstannyń tranzıttik áleýetin synǵa aldy.