Jubanovtardyń eńbekteri qaıta baspadan shyǵaryldy
Bıyl qazaq til biliminiń ǵylymı-teorııalyq negizin salýshy, qazaq fılologııasynyń tuńǵysh professory Qudaıbergen Jubanovtyń 120, belgili ádebıetshi-ǵalym Eset Jubanovtyń 90 jyldyǵy. Mereıtoıǵa oraı ǵalym atyndaǵy memlekettik ýnıversıtet «Jubanov taǵylymy» ǵylymı-prastıkalyq konferentsııasyn uıymdastyrdy. Jıynǵa ǵalymnyń urpaqtary men zertteýshiler, fılolog mamandar qatysty.
«Halyq jaýy» dep 1937 jyly 13 qarasha kúni atý jazasyna kesildi. Meni perzenthanadan ákelgende ony úıden alyp ketti. Tek ákemiz emes, onyń baı kitaphanasy, eńbegi tirkilendi. Qoljazbalary shyqpaı, joıylyp ketti. 1957 jyly aqtalǵan soń ol týraly keń kólemde aıtyla bastady. Fılologııa ǵylymdarynyń doktory, professor Rabıǵa Syzdyqovanyń aıtýynsha, ákem qoljazbasyn 10 serııamen baspaǵa tapsyrǵan eken. Sonyń qolda bary 2 serııasy ǵana. Qalǵan 8 serııasynyń aty bar, zaty joq. «Halyq jaýy» dep sottaǵan kezde joıyp jibergen. Jas ǵalymdar izdep, arhıvterdi qarap jatyr. Tabylyp, mol mura basylyp shyǵady dep oılaımyn», - dedi Asqar Jubanov.
Konferentsııa aıasynda Q.Jubanov pen E.Jubanovtyń eńbekteri qaıta tanystyryldy. Kitaptar tolyqtyrylǵan, jańa maqalalar engizilgen.
«Qudaıbergen Jubanovtyń eńbekteri qaıta jınaqtalyp shyǵaryldy. Munda ǵalymnyń barlyq ǵylymı-zertteý eńbekterimen qatar oqyrman nazarynan tys qalǵan, gazet-jaýnalǵa jarııalanǵan maqalalary engizildi. Synı korrespondentsııalary, óleńderi, áńgime-pamfleti bar. Orys tilinde jazylǵan «Iz ıstorıı porıadka slov v kazahskom predlojenıı» eńbegi bolgar, aǵylshyn jáne nemis, qazaq tiline aýdarylyp, jaryq kórdi. Sonymen qatar 16 eldiń sýretshisi ǵalymnyń zertteýleri men eńbegine arnap kórme uıymdastyrdy. Bul Jubanovtar murasyn halyqaralyq deńgeıde tanytýdyń jańa úlgisi dep oılaımyz», - fılologııa fakýltetiniń dekany Gúlzat Sadırova.
Mereıtoıǵa arnalǵan is shara kezinde jyr músháırasy, «Q.Jubanov álemi – oqýshylar kózimen» esse baıqaýy ótti.
