Juban eli jańa joba «Parasat jolyn» qoldaıdy
Aqjaıyq aýdanynda Agenttik ókilderi Juban Moldaǵalıev atyndaǵy ortalyqtyń jáne aýdandyq «Parasat joly» ortalyǵynyń jumystarymen tanysty.
Sonymen qatar, aýdannyń zııaly qaýym ókilderimen kezdesti. Kezdesý barysynda qatysýshylardyń nazaryn «Parasat joly» jobasynyń mańyzdylyǵyna aýdaryp, jańa jobanyń elimizdiń sybaılas jemqorlyqqa qarsy qozǵalysynyń ortalyǵy bolyp tabylatyndyǵyn atap ótti.
Aýdan ákimi Qalııar Aıtmuhambetov «Parasat joly» jobasy aýdannyń barlyq aýyldyq kitaphanalarynda (18 aýyl) ashylǵanyn, aýdandyq jobaǵa belgili aqyn Saǵyntaı Bısengalıev jetekshilik etetindigin qonaqtardyń nazaryna jetkizdi.
Kezdesýge qatysýshylar óz tájirıbelerimen bólisip, turmystyq sybaılas jemqorlyqqa qarsy is-qımyldyń jáne memlekettik qyzmet kórsetý sapasyn arttyrýdyń mańyzdylyǵyna toqtaldy.
Shara barysynda eńbek ardageri Dáýletjan Jaqsybaev, aýdandyq qoǵamdyq keńesiniń tóraǵasy Maksım Úmbetalıev sóz alyp, qazirgi zamańda ashyqtylyq pen parasattylyqtyń erekshe mańyzǵa ıe ekendigin atap ótti.
Aýdandyq «Parasat joly» jobasynyń jetekshisi S.Bısengalıev parasattylyq týraly óz jyr joldaryn joldap, «Men qazaqpyn» dep jyrlap ótken Juban Moldaǵalıevtiń týǵan jeri adaldyq pen patrıottylyqtyń túpqazyǵyna aınalatynyna senim bildirdi.
Oblys ortalyǵyna qaıtar jolda Agenttik ókilderi Jańabulaq aýyldyq okrýgi ákimdiginiń jumysymen tanysyp, aýyldyq kitaphanada boldy.
Eger sizge sybaılas jemqorlyq faktileri týraly belgili bolsa, onda siz táýlik boıy jumys isteıtin Sybaılas jemqorlyqqa qarsy qyzmettiń 1424 Call-ortalyǵyna habarlasa alatynyńyzdy esińizge salamyz.
