Jýalyda laýazymdy sheneýnik kásipkerden 150 myń teńge para alǵan

NUR-SULTAN. QazAqparat - Jambyl oblysynda qoǵamdyq densaýlyq saqtaý basqarmasynyń laýazymdy tulǵasy 150 myń teńge para alý kezinde ustaldy, dep habarlaıdy QazAqparat Sybaılas jemqorlyqqa qarsy ulttyq bıýronyń baspasóz qyzmetine silteme jasap.

«Ulttyq bıýronyń Jambyl oblysy boıynsha departamenti Jýaly aýdandyq qoǵamdyq densaýlyq saqtaý basqarmasynyń laýazymdy tulǵasynyń para alý faktisin anyqtady. Ol jeke balabaqsha ashýǵa oń sanıtarlyq-epıdemıologııalyq qorytyndy berý úshin jeke kásipkerden deldal arqyly 150 000 teńge para alǵany úshin kúdikti dep tanyldy. Kinásin tolyq moıyndaýyna baılanysty protsestik ustaý qoldanylǵan joq» delingen habarlamada.

Búginde tergeý júrip jatyr. Kúdiktige qatysty túpkilikti úkimdi onyń kinásiniń dárejesin anyqtaý arqyly sot shyǵarady.